Cafe Paradise (杏花邨) (已結業)

今日去開杏花邨附近，順便行吓杏花新城。大約一點鐘肚仔餓，於是去咗商場間 Cafe Paradise 食午餐。我點了 lunch set, 二號餐，6分厚切西冷牛扒配燒汁，配菜我選擇跟薯菜。因為太肚餓關係，我加點了蜜糖雞翼。塊西冷扒非常大，我估大過張家朗隻手掌。而且真係厚切，好有肉地。配菜薯仔要讚讚，好好味，唔係 cheap cheap 炸薯條，薯仔一開二，如果俾多幾件就好嘞。雞翼美味可口，肉質滑溜，容易入口。蜜糖甜甜哋配上雞翼好有 BBQ 感覺，值得推介。食餐我一定會叫奶茶，這間食店奶茶(餐茶)都好大杯，好滿足。服務方面，食店員工服務殷勤，有禮貌，工作快手。我估食店應該有對員工培訓，因為不是個別服務周到，而是位位員工都做到嘢。真心抵讚！