影片
更多
2019-07-08
30 瀏覽
話說今日嚟試姊妹裙，之後準新娘帶我嚟食蒸氣海鮮，呢度係婚紗街轉上天文台道右手邊就係啦，唔係準新娘帶我嚟都唔知呢度有好嘢食上完樓梯見到好多Vip房同大量明星相，可能好多明星鍾意呢度私隱度夠高我哋點咗每位$428個餐有海鮮又有肉好期待🍽🤤花甲好大隻同好鮮甜清蒸花蟹好正好正，好多膏，肉質好嫩滑好鮮甜食材真係好新鮮大連鮑魚加咗啲蟲草花一齊蒸，鮑魚另有一番味道（下圖）因為實在太好食，切開咗一半先記得影相😅本身已經處理咗，肉同殼分開咗，非常方便進食紐西蘭蟶子超巨型，佔咗蒸爐直徑嘅一大半加咗大量蒜蓉粉絲蒸，一邊食蟶子一邊食蒜蓉粉絲，又入味，真係好好食冬菜蒸馬友馬友聽又聽得多，咸魚都食唔少，但馬友真係未食過第一次食又幾好味喎，再加埋啲冬菜去蒸，唔錯唔錯安格斯牛小排薄薄的，但好有牛味手打墨魚丸比較彈牙甜梅菜蒸菜心苗開頭諗蒸鍋大多數都係蒸海鮮冇諗過會蒸菜但有意想不到竟然好好食咁樣蒸保持到菜嘅鮮嫩再加埋甜梅菜好好食，感覺似係家鄉生曬梅菜嘅味道食哂所有食物，每道食物嘅精華都放哂落最底點菜時，職員已問定要湯底定粥底出面好多餐廳都係用粥底，呢度竟然有湯底，咁特別，緊係要湯底重點係無論粥底定湯底都有好多款配料可選（
話說今日嚟試姊妹裙，之後準新娘帶我嚟食蒸氣海鮮，呢度係婚紗街轉上天文台道右手邊就係啦，唔係準新娘帶我嚟都唔知呢度有好嘢食
上完樓梯見到好多Vip房同大量明星相，可能好多明星鍾意呢度私隱度夠高
我哋點咗每位$428個餐
有海鮮又有肉
好期待🍽🤤
花甲
好大隻同好鮮甜
清蒸花蟹
好正好正，好多膏，肉質好嫩滑好鮮甜
食材真係好新鮮
大連鮑魚
加咗啲蟲草花一齊蒸，鮑魚另有一番味道
（下圖）因為實在太好食，切開咗一半先記得影相😅
本身已經處理咗，肉同殼分開咗，非常方便進食
紐西蘭蟶子
超巨型，佔咗蒸爐直徑嘅一大半
加咗大量蒜蓉粉絲蒸，一邊食蟶子一邊食蒜蓉粉絲，又入味，真係好好食
冬菜蒸馬友
馬友聽又聽得多，咸魚都食唔少，但馬友真係未食過
第一次食又幾好味喎，再加埋啲冬菜去蒸，唔錯唔錯
安格斯牛小排
薄薄的，但好有牛味
手打墨魚丸
比較彈牙
甜梅菜蒸菜心苗
開頭諗蒸鍋大多數都係蒸海鮮
冇諗過會蒸菜
但有意想不到竟然好好食
咁樣蒸保持到菜嘅鮮嫩
再加埋甜梅菜好好食，感覺似係家鄉生曬梅菜嘅味道
食哂所有食物，每道食物嘅精華都放哂落最底
點菜時，職員已問定要湯底定粥底
出面好多餐廳都係用粥底，呢度竟然有湯底，咁特別，緊係要湯底
重點係無論粥底定湯底都有好多款配料可選
（睇返上面餐牌底部可以睇到，所以都唔打咁多字啦🤣）
我要咗鮮響螺竹絲雞湯，好足料，開頭未蒸時個湯底冇咁濃郁，蒸完後所有精華落哂去，個湯真係好甜好甜，好好飲，飲完個湯即刻飽哂，好滿足的一餐
食後感:
我哋全程一路食都有個職員照顧住
唔需要自己去蒸
職員會幫我哋計時間去蒸
所以每款食物都唔會蒸過龍
保持住最新鮮嫩滑嘅食物比我哋
再加上呢度材料超新鮮
加埋唔會蒸過龍，真係用個「鮮」字嚟形容
張貼
