滾喜火鍋專門店 (已結業)

在旺角剪頭髮後，就去咗行女人街，經過滾喜火鍋專門店，記得之前食過火鍋放題，食物質素唔錯，價錢亦唔貴，今晚都係費事煮飯，一於叫埋老公一齊嚟食晚餐！首先食雞煲，有芝士和麻辣選擇，我揀咗三重芝士雞煲，上檯時雞煲上鋪滿芝士，開爐煮幾分鐘，等待芝士開始溶化，侍應就會來把雞件和芝士攪伴，待芝士溶於每件雞件上就食得，雞肉鮮嫩，芝士惹味，真的食不停口，如果想再食多些，雞件還可以免費添加。食完雞煲就可以食火鍋，我們換了一個沙嗲湯底，沙嗲湯底都好濃郁夠味，火鍋配料是任食的，而且都好新鮮！西班牙黑豚肉：色澤鮮紅，帶有油脂紋理，因為薄切，只需灼幾下就可以食，肉質鮮嫩。午餐肉厚切。鵝腸和海蝦都新鮮爽口。脆脘片、白鱔片薄切易熟，魚肉鮮甜爽口。其他配料都有好多選擇，魚片頭、黑椒腸、蒜蓉腸、魚皮餃、生根、豆卜、皇帝菜、雞髀菇、芋絲、蜂巢豆腐。自家製鹹蛋炸魚皮脆卜卜，汽水任飲！