杜老誌大飯店 (已結業)

朋友介紹下今日去咗一間好有香港懷舊氣息嘅火鍋店，叫杜老誌大飯店打邊爐。一入去已經感受到懷舊氣氛而且地方寬敞。叫咗佢哋嘅今期推介火鍋海鮮船、手切封門柳、牛柏葉、鬼馬油炸鬼 、凍豆腐、蘿蔔、烏冬、墨魚骨、獅子狗卷及蔬菜籃。海鮮船入面有新鮮鮑魚、超大隻肉蟹、蜆、蟶子、鱔片、鯇魚片。每樣海鮮都極度新鮮而且鮮味十足，打邊爐絕對一流。封門柳打邊爐就最啱，因為本身牛味濃郁而且油脂分佈平均，經手切之後放入火鍋裏面廿零秒就食得，鍾意食牛嘅朋友絕不能錯過。再者呢到湯底選擇極多好啱香港人口味，鍾意一大班朋友打邊爐就絕對要去杜老誌大飯店。