圓貝 (景隆街) (已結業)

次次經過擺花街都想試，不過次次都好趕。最近喺銅鑼灣發現到原來有分店，終於試到啦😊。鋪面簡潔，打卡不錯，門面較近陽光位置影相幾靚💕不過有時會大排長龍😚紫醉層層疊呢杯有幾層彩色嘅分層🤭睇見都開心。珍珠口感Q彈，紫薯同蕃薯甘甜軟綿，加上植物奶基底走咗糖，飲得出啲材料本身嘅鮮香，唔會好似其他肥仔水咁甜膩。金麥薑奶鍾意薑嘅朋友一定要試，薑味非常出，飲完feel到一陣暖流喺身體流轉。燕麥奶都係好香麥味嘅aftertaste, 唔錯。