重慶洪鼎火鍋 (已結業)

今日同朋友黎到尖沙咀，見到間新開既重慶火鍋，門口裝修好靚呀，就決定試一試。我哋要落樓梯落一層然後就有侍應招呼我哋。服務態度好，老板仲親力親為。上菜速度都算快。值得推介！湯底我地叫左鴛鴦鍋，重慶麻辣小辣同雞湯。湯底送鴨血同芽菜，雞湯底仲有一隻雞髀，啲肉一點都唔硬。我地叫左個洪鼎盛肉拼盤A，有美國安格斯牛小排，美國安格斯牛板腱，西班牙黑毛豬梅肉同紐西蘭羊肉片，啲肉切得好薄，好嫩，冇雪味。老板仲話如果人多有個a+b+c 盛肉拼盤，好抵呀！呢個係根湯底送嘅配料, 有我至愛嘅鴨血呀～😍本身我哋都叫咗個四寶, 有齊黑毛肚，豬腰 同埋鵝腸~ 同我一樣係內臟控嘅話必食! 材料砌得較薄身, 喺湯底川燙大約十幾下就可以食囉~門口有個自助bar 枱，自己配醬汁，好多選擇。碗都係自己拎。老板見到我地，仲好細心提醒我地可以拎左隔盤，隔番啲紅油，會健康啲，十分細心。最後叫左個紅糖涼粉解辣，自己落紅糖，岩番自己鐘意既甜度。