跑緣 (已搬遷) 新店位置

因為教會小組活動，有機會嚟到「跑緣」，聽黃牧師嘅生命分享，一嚐「跑緣」的美食我哋一行10個人，叫咗團體套餐「跑緣盃10公里」。餐廳食物以健康為主線，精心挑選食材，烹調少油少鹽。特別推介佢哋嘅signature「特色飛毛腿」，雞鎚皮脆肉嫩，肉汁鎖在雞肉𥚃青口墨魚汁燴意粉都非常出色，青新感覺讓人一試難忘，喜歡海鮮嘅朋友不容錯過黃牧分享餐廳特別注重食物嘅質素，因此食材都精挑細選，作為食客我吃得出主廚嘅心思，這年頭小店能夠堅持選用高質素嘅食材，讓食客食得健康，真係值得支持「跑緣」係跑友嘅竭腳亭，離開時看見不少跑友相聚一堂，傾傾偈，喝杯咖啡☕️ 牆上亦看到牧師跑馬拉松嘅號碼布，亦都可以睇到「養生跑」嘅心得。就好似金庸小說，把心經口訣刻在牆上的英雄，各路跑友應該都會潮下聖除咗文青嘅裝潢，還有黃牧師的分享亦係呢間餐廳嘅signature。無論係對露宿者嘅承擔，福音餐廳嘅理念，宣教嘅堅持，跑步嘅熱情，抑或係營商嘅想法，都成就左呢間有人情味嘅小店。