影片
更多
2018-07-31
40 瀏覽
係紅磡讀書既我經常要係呢頭食野，商場既野食厭左就行到街上面搵野食。走到黎呢一間來多碗車仔麵，門面睇下好有以前食開個啲車仔麵店，好有人情味既感覺😌車仔麵係我中學既時候簡直係我既午餐首選，一來價錢係平，二來好多唔同配搭，三來最緊要快。呢度都一樣有呢幾個特質！見到有咁多餸我地兩個都好三心兩意😋😋朋友叫左魷魚、蘿蔔、雞翼、魚蛋四餸米線，米線好滑量夠多而且唔會一啖爛晒！咖哩魚蛋雖然細細粒但就夠晒味。蘿蔔都好入味，秘汁雞翼好特別又唔似滷水，大隻得黎肉又實又滑❤辣魷魚真係必食，好彈牙又爽口，夠晒惹味！👅我就叫左響鈴、蘿蔔、牛腩、辣魷魚、生菜五餸米粉。響鈴係一叫即係盒拆岀黎架，唔會俾水汽搞到林晒。蘿蔔一咬落去真係好多汁呀！秘制牛腩真係好好食，量多之餘味道真係好夠而且好林，唔似一般既五香牛腩又實又無味！😋👍🏻每次食車仔麵都必叫既生菜都好靚呀，食落好新鮮爽脆❤仲叫左個新既台灣麻辣鴨血，用呢度自己整既秘制辣醬加新鮮韭菜整。鴨血味道既好特別，同魷魚蘿蔔一樣，黎呢度一定要試！加上呢度自己調既麻辣汁，好過癮！🙂呢度店員都好好人，好好禮貌，真係好人情味！最後兩個人埋單都唔洗100蚊呀;就算食到一碗五個餸都係41蚊，
車仔麵係我中學既時候簡直係我既午餐首選，一來價錢係平，二來好多唔同配搭，三來最緊要快。呢度都一樣有呢幾個特質！
見到有咁多餸我地兩個都好三心兩意😋😋
朋友叫左魷魚、蘿蔔、雞翼、魚蛋四餸米線，米線好滑量夠多而且唔會一啖爛晒！咖哩魚蛋雖然細細粒但就夠晒味。蘿蔔都好入味，秘汁雞翼好特別又唔似滷水，大隻得黎肉又實又滑❤辣魷魚真係必食，好彈牙又爽口，夠晒惹味！👅
我就叫左響鈴、蘿蔔、牛腩、辣魷魚、生菜五餸米粉。響鈴係一叫即係盒拆岀黎架，唔會俾水汽搞到林晒。蘿蔔一咬落去真係好多汁呀！秘制牛腩真係好好食，量多之餘味道真係好夠而且好林，唔似一般既五香牛腩又實又無味！😋👍🏻每次食車仔麵都必叫既生菜都好靚呀，食落好新鮮爽脆❤
仲叫左個新既台灣麻辣鴨血，用呢度自己整既秘制辣醬加新鮮韭菜整。鴨血味道既好特別，同魷魚蘿蔔一樣，黎呢度一定要試！加上呢度自己調既麻辣汁，好過癮！🙂
呢度店員都好好人，好好禮貌，真係好人情味！
最後兩個人埋單都唔洗100蚊呀;就算食到一碗五個餸都係41蚊，加底都係3蚊🤤食到每個餸都有唔同味道，唔係全部都係湯底咁既味。啲餸多款之餘，連麵既種類都咁多！真係平價又高質既享受，以後都要多啲黎食埋其他餸😝
張貼
