築間酸菜魚

營業中

休息中

朋友知道我鐘意食酸菜魚，佢話銅鑼灣新左間來自台灣，全港第一間台式酸菜魚，所以就特登帶我去食。餐牌好多嘢食，朋友發辦點左小碟魚、炸物、甜品同飲品各二。外面有陳皮茶同洛神茶無限添飲，兩款茶都可以幫助消化，幾好。椒鹽雞軟骨：剛炸起，好香口。呢度雞軟骨用左胸部一條長嘅肋骨做軟骨，唔同出面一粒粒嘅雞軟骨，比平日食開果D更加有口感。浪子鹽酥雞：用7種特製香料醃超過8個鐘，食落脆口，熱辣辣，椒鹽味道香。嘉義砂鍋魚：小嘅份量都幾好喎，一個人都可以食得晒。魚先用沙茶醬、豬油、辣豆瓣、洋蔥同香菇等配料爆炒再煮，呢個係鱸魚，口感厚實，秘制沙茶醬辣辣地，煮得入味，幾好。總長酸菜魚：酸菜魚係烏鯉，肉質鮮嫩，連湯底都有鮮味。裡面有酸菜、芽菜、木耳、腐竹同寬粉，整體酸酸辣辣，味道剛好，開胃，越食越想食。紅豆仙草：甜品是自家製，仙草配紅豆又幾夾，甜甜地。冬瓜黑糖奶凍：奶凍口感好似豆腐花咁滑，但有質感，配冬瓜黑糖又幾好喎。冬瓜檸檬茶：味道正常，甜甜地有檸檬味。暴走波奶茶：奶係用左煉奶，所以會比平日果d偏甜少少，另外裡面珍珠係寒天黎架，幾特別。