Panino Giusto (已結業)

今日同男朋友o係IFC行完街, 又唔想食M記咁普通, 行左去3樓另一邊有一間叫做Panino Giusto的意大利小店!門口小小, 不過完全旁邊已經有好多用餐的位罝, 已經入夜, 冇咩燈但係都幾好氣氛! 見到好多人都係摸下酒杯底, 食下風乾火腿, 都幾chill!買完飛就拎住個木牌等送到位上！Milano 2015 ($118)呢個係米芝蓮推介!先有烤得暖的麵包Panini, 入面內有24個月巴馬火腿、火箭菜同芝士, 口感都好豐富! 巴馬火腿咸香味十足，令本身苦澀的火箭菜無咁苦。Lord John $88入面有燒牛肉，加埋燒烤醬都好惹味。燒牛肉份量好多，唔怕唔夠飽。啱哂食肉獸！夜晩唔飲咖啡，叫左杯果汁，叫Ace，入面有蘋果汁橙汁同薑味。係幾清新，不過48蚊有點點小貴呢！而男朋友話要飲咖啡喎！最後嘆番杯mocha, 咖啡味幾香! 而且仲送左一塊朱古力, 好有風味! 好似飛左去意大利咁！估唔到ifc有呢個小小的角度試下輕食。