來多碗車仔麵 (民裕街)

營業中

休息中

又到星期日周圍搵嘢食的時候，在門口見到個名幾吸引，便來食碗車仔麵。呢間麵檔裝修簡單但十分乾淨，入門口先點嘢食後比錢才搵位坐低，佢哋會將食物及飲品送過嚟，服務態度好，此類小店比較少見。我先來一碗三餸麵（豬紅、墨魚丸及菜肉餃）配紅薯粉，一般其他麵店紅薯粉都要加錢，呢度唔使加錢，墨魚丸幾彈牙，份量亦唔細。阿仔便來碗四餸河粉（牛腩、豬紅、豬腸及牛肚），豬腸好淋入味，牛腩亦高質素，加佢哋嘅辣醬，十分開胃。另外試了一個特別的飲品，冰啡樂（咖啡+可樂），好少地方有供應，飲落好特別，有層次，苦中有甜，咖啡帶氣，好配搭。