ねずみの王冠 喫茶店

營業中

休息中

前陣子工作太忙壓力太大，終於等到放假，當然要不停食食食😋呢間喺觀塘既喫茶店環境舒適，好啱同閨密傾成晚計❤食物同飲品的選擇都唔少~山梨懸之富士山 Yamanashi Fujiyama special drinks（$52）平時飲品最後講，但呢杯飲品將成個富士山搬過嚟，仲閃下閃下咁好夢幻呀，係視覺上既享受！其實佢係藍柑橘加檸檬，再配上北海道3.6牛乳雪糕。飲落有種清爽既檸檬味，雪糕球散發淡淡奶香，好睇又好飲。原條蒲燒鰻魚炒飯（$148）完全冇諗過條鰻魚咁大條咁厚肉，難得既係去哂刺，再配上惹味既鰻魚燒汁，食落毫無腥味，讚！炒飯分量頗多，d飯粒粒飽滿分明，每粒都沾滿醬油，一直食唔停口。七味墨魚咀（$68）平時係食開椒鹽墨魚咀，所以覺得呢度既墨魚咀味道淡d，但咬落又幾爽脆，唔錯。鹿兒島豬軟骨野菜鍋（$128）d豬軟骨軟身又入味，更重要既係湯底鮮美濃郁，即使飲埋都唔會覺得口渴。我地兩個女仔食到好飽，埋單每人$220。