影片
更多
2018-05-06
1764 瀏覽
朋友飯聚，去到飲飽食醉，臨近尾聲之際，有人突然拿出一袋東西，說有甜品下場，Cupcake是也。有些人已飽到嘔茄，再好食的甜點也耍手擰頭，但我始終有著甜魔基因，吃一件半件杯子蛋糕，問題不大。話時話，Twinkle的杯子蛋糕，孤陋寡聞的筆者是首次品嚐。 原來都很多款口味，有些都幾玩嘢，譬如菠蘿油、奶醬多、港式奶茶、紅豆冰等口味，但又玩嘢幾地道，岩晒我呢啲香港仔。 試了阿華田口味，忌廉幾滑，加埋十足十的阿華田味道，兒時回憶番晒嚟，90後，甚或00既朋友，可能唔會明白。 另一款的龍鳳檸樂口味，蛋糕之上的一顆可樂糖，以及小飲管，已經贏晒。整體味道偏酸，可樂糖成為了Balance的重點，蠻有趣的。 好多扮清糕口味都可即場買到，但以上說的兩款，需要四天前預訂，多謝朋友既心意。下次試試奶醬多，會唔會厚多士？哈哈～
朋友飯聚，去到飲飽食醉，臨近尾聲之際，有人突然拿出一袋東西，說有甜品下場，Cupcake是也。有些人已飽到嘔茄，再好食的甜點也耍手擰頭，但我始終有著甜魔基因，吃一件半件杯子蛋糕，問題不大。
話時話，Twinkle的杯子蛋糕，孤陋寡聞的筆者是首次品嚐。
原來都很多款口味，有些都幾玩嘢，譬如菠蘿油、奶醬多、港式奶茶、紅豆冰等口味，但又玩嘢幾地道，岩晒我呢啲香港仔。
試了阿華田口味，忌廉幾滑，加埋十足十的阿華田味道，兒時回憶番晒嚟，90後，甚或00既朋友，可能唔會明白。
另一款的龍鳳檸樂口味，蛋糕之上的一顆可樂糖，以及小飲管，已經贏晒。整體味道偏酸，可樂糖成為了Balance的重點，蠻有趣的。
好多扮清糕口味都可即場買到，但以上說的兩款，需要四天前預訂，多謝朋友既心意。下次試試奶醬多，會唔會厚多士？哈哈～
張貼
