Gelare (已結業)

今日我 PaPaccino 一個人食飽飯o係旺角閒逛，行行下攰攰o地就去左家樂坊地下o既Geláre度坐下。雖然呢間舖頭o既招牌係雪糕同窩夫，之但係其實佢o地都有賣咖啡架，而且仲有好幾款o添，所以最後就決定去坐低嘆返杯咖啡休息下喇！雖然舖仔唔算大，座位亦唔算多，但勝在提供一堆雜誌比客人睇下揭下，消磨時間～因為岩岩食飽左，前一晚又唔夠瞓，所以就叫左杯 Espresso 喇～Espresso o既靈魂就係佢面果層金黃色o既crema，否則就會苦過苦茶。呢杯 Espresso 都算合格，一拎起個杯就聞到香濃o既咖啡味，飲第一啖o既時候，咖啡味甘香而不澀。不過可能o係沖咖啡果陣，咖啡粉壓得唔夠實，所以飲多幾啖之後，面層o既crema就開始散開，飲到尾仲有些少苦澀味。不過，以一間唔係以咖啡作主打o既舖頭黎講，呢個質素都算幾好架嘞～整體黎講，呢杯 Espresso 都唔差架，仲幾提神o添，我 PaPaccino 飲完之後又再充滿力量，繼續行街。最後，如果大家對飲飲食食有興趣，可以黎我個Blog 睇下架。http://hk.myblog.yahoo.com/call-freebreak