影片
更多
2023-05-18
68 瀏覽
一星期要食一次好西！呢個星期就試左黎自東京惠比壽既過江龍串揚專門店《串亭》🍢餐廳以木系裝修為主，細細間，大約容納到20人左右，另設有吧枱。識揀緊係揀坐吧枱啦，可以一路食一路睇住師傅即場整串揚。仲要完全無油煙味。餐廳每季都會轉餐牌，務求要用最當造既食材。所有串揚都會沾上秘製炸粉同麵包糠，再用新鮮葵花籽油做油炸。炸粉唔厚，炸出黎好酥脆之餘又唔油，就算食左十幾串都唔會有食到膩既感覺。其實食串揚飲埋酒就仲正，餐廳有多款清酒可供客人選擇，當中有啲仲係獨家合作既清酒品牌。而最抵飲既就係品酒企劃：$300/位，有100分鐘任飲6種清酒+惠比壽生啤酒。青柑桔仔、海藻鹽、豉油、蜜糖芥末醬、特製炸物醬師傅每上一串串揚前都會好細心咁用濕既毛巾仔抹下枝竹籤，等客人唔使拎上辣親隻手仔。之後再作介紹，話俾你知點樣食最好，沾邊個醬汁最夾。基本上肉類就沾特製炸物醬，魚/蝦沾蜜糖芥末醬，油份重啲既就擠青柑桔仔汁etc大部份其實唔使額外沾汁，跟返本身既調味同醬汁已經好好味。🍢🍢🍢《串揚12本 $698》前菜3款 : ✨明太子沙律，咸咸地微微辣。✨高湯煮日本大根配麵豉醬、紫蘇花，蘿蔔好入味好腍。✨鰤魚配酸汁、洋蔥，鰤魚肥美
餐廳以木系裝修為主，細細間，大約容納到20人左右，另設有吧枱。識揀緊係揀坐吧枱啦，可以一路食一路睇住師傅即場整串揚。仲要完全無油煙味。
餐廳每季都會轉餐牌，務求要用最當造既食材。所有串揚都會沾上秘製炸粉同麵包糠，再用新鮮葵花籽油做油炸。炸粉唔厚，炸出黎好酥脆之餘又唔油，就算食左十幾串都唔會有食到膩既感覺。
其實食串揚飲埋酒就仲正，餐廳有多款清酒可供客人選擇，當中有啲仲係獨家合作既清酒品牌。而最抵飲既就係品酒企劃：$300/位，有100分鐘任飲6種清酒+惠比壽生啤酒。
青柑桔仔、海藻鹽、豉油、蜜糖芥末醬、特製炸物醬
師傅每上一串串揚前都會好細心咁用濕既毛巾仔抹下枝竹籤，等客人唔使拎上辣親隻手仔。之後再作介紹，話俾你知點樣食最好，沾邊個醬汁最夾。基本上肉類就沾特製炸物醬，魚/蝦沾蜜糖芥末醬，油份重啲既就擠青柑桔仔汁etc
大部份其實唔使額外沾汁，跟返本身既調味同醬汁已經好好味。
🍢🍢🍢
《串揚12本 $698》
前菜3款 :
✨明太子沙律，咸咸地微微辣。
✨高湯煮日本大根配麵豉醬、紫蘇花，蘿蔔好入味好腍。
✨鰤魚配酸汁、洋蔥，鰤魚肥美，配酸汁可中和油份。
🍢炸和牛西冷配黑松露醬串，和牛西冷肉質柔嫩，黑松露醬好香。
🍢炸天使蝦串，一咬蝦頭即爆膏，爭啲辣親個咀仔😂蝦肉爽彈，連蝦尾都係脆架。
🍢炸三元豬柳串，豬柳係用3款豬mix埋一齊整既，食落腍身。
🍢芝麻拌鯖魚串，外層鋪滿超香口既芝麻，大大降低鯖魚既魚腥味。
🍢炸鯡魚籽昆布串，原來鯡魚籽即係希靈魚！我細細個就食過佢架啦，但細個唔鍾意食。今次食係另一番味道，口感爽脆，味道帶鹹香，好味！
🍢炸三文魚串配三文魚籽，三文魚籽無腥味，個他他醬加左蛋黃醬同酸青瓜，食落香好多。
✨清舌餐點 : 茄子，甜甜地凍凍地
🍢鹽麴漬鰆魚串，鹽麴係由米麴、鹽同水混合，經發酵而成既產物，所以有鹽既鹹味加麴既鮮味。鰆魚食落較鯖魚肥美。
🍢楤芽豚肉卷串，楤芽食落好似蘆筍咁，有甘醇味。
🍢炸汁燒鰻魚串，配有馬山椒，即係花椒既一種。麻得黎又唔會辣，鰻魚肉質軟綿綿。
🍢炸特製冬菇免治肉串，食落有啲似冬菇肉餅，配特製炸物醬更好味。
🍢炸鮑魚串，鮑魚爽彈，鮑魚肝醬好濃郁。
🍢炸鵝肝串，鵝肝無腥膻味，質地細膩。配濃味麵豉或青柑桔仔可減低油膩感。
✨雞肉茶泡飯，可將紫菜、脆米、柚子胡椒倒入有雞肉同蛋絲既飯到，再加入木魚高湯。
✨稻庭烏冬，倒入薑蓉同擠青柑桔仔汁。為左令烏冬有掛汁既效果，師傅專登整到個汁較稠身，好似茨汁咁。
✨自家製布甸配蕨餅，食落好似crème brûlée咁，有蛋香。
✨夾餡雪糕，培菜雪糕有茶香又唔太甜。
張貼
