龍門一番 上海·紫砂燉湯 (已結業)

今日好想食上海菜，黎開荃灣，決定試下龍門一番 上海·紫砂燉湯。位於中染大廈1樓，餐廳環境相當闊落，兩人坐四人卡位寬敞舒適。提供小茶包，可以揀選自己心水茶葉，一人一小壺，推薦人參烏龍，清新回甘。午市套餐價錢相宜，包私房涼茶兩款、主食、餐飲，亦可加HK$20配選特選食品。東北砂姜手撕雞配外婆咸肉菜飯手撕雞鮮嫩入味，入口細膩爽滑，配以砂姜製法，香濃惹味，拌飯一流。金銀炒鱔糊配外婆咸肉菜飯鱔肉爽脆有咬口，配以新鮮芽菜，色澤油亮，入口甜鹹適中，正。加配生煎鍋貼煎得金黃香脆，火侯剛好，口感極佳。紅棗糕口感蓬鬆，又香又甜，香濃軟糯。干貝賽螃蟹蛋白軟嫩濕滑，鮮美十足，口感相當豐富。銀絲卷 (炸)即叫即炸熱辣辣，金黃外皮好吸引，口感酥脆，內裡蓬鬆綿密，配煉乳絕對係完美組合。飲品揀左甘筍蘋果雪梨茶同紅豆薏米水，清新鮮渴。