南島

營業中

休息中

星期二繼續同舊同事上急救堂放飯時間去食lunch，今次去左食東南亞菜。餐廳提供午市套餐，而且唔駛加一。我地叫左兩個午市套餐，再加一個小食。椰香咖央多士配半熟蛋我地都鍾意呢個，咖央充滿椰香，加上一塊牛油，唔駛配半熟蛋都已經好好食。軟殼蝦星洲喇沙米線材料好豐富，有三隻蝦、豆卜、魚蛋、魚片、豆芽、通菜、半隻蛋。喇沙幾惹味，我唔食辣都食到，魚蛋好食，所有野索晒喇沙汁，特別係豆卜，甘大碗一定夠飽。砂煲老鼠粉呢個香港比較少地方有得食，估唔到賣相好colourful，材料有肉碎、蝦乾、魚乾、花生，撈勻晒食變得香口，幾好食。餐飲都加左$3要凍薏米水同凍桔仔話梅水。