東南亞料理研究所 (已結業)

今晚係朗屏剪完頭髮，所以又去左虹方個邊搵食，貪呢邊冇乜人又易搵位，見到呢間新派東南亞菜幾特別，入左去試下。黑松露蝦多士蝦多士炸得香脆，黑松露味唔太濃，反而有好香既沙律醬味，沙律醬仲可以減少油膩感。紅咖喱牛肉配珍珠米紅咖喱放左好多香料，食落香口，唔會太辣，牛肉超軟熟，入口即溶，咖喱汁簡直係白飯神偷。追加印度烙餅因為有咖喱汁，我地再追加左薄餅，薄餅煎到香脆可口，帶少少微焦，醮咖喱汁一齊食非常惹味。班蘭蜜糖厚多士配雲尼拿雪糕厚多士非常鬆軟，班蘭醬好香，加埋蜜糖令到厚多士更嫩滑。荔枝冰, 龍眼冰