金蒂餐廳

營業中

休息中

因為落雨，一路行一路搵食，行過見到Cinta-J未係好多人，就入去碰下運氣，都等左陣先比到位我地。好耐無黎，又搞搞新意思，試下少揀嘅套餐。我就叫左個泰式豬頸肉飯，有泰式豬頸肉，時菜，酸瓜，配白飯或蒜香飯。我同事就叫左菲式炸豬肉飯，同樣配上時菜，酸瓜，配白飯或蒜香飯。每個套餐都跟甜品西米露及無限添飲飲品一杯。我個泰式豬頸肉比想像中淋，唔好以為豬頸肉又薄又幼條會好易食，其實箍牙妹好多時都食唔到，我都係見到隔離姐姐果碟唔錯先嗌。個醬汁甜甜地好好味，送飯唔錯。同事叫嘅菲式炸豬肉，好脆，面層肉淋，但較底位置就脆到極，箍牙妹食唔到。佢配果個唔知係咪甜酸醬，但好稀，又唔覺有味。