樂天經典 (已結業)

我同男朋友都幾中意食樂天皇朝～但而家先知原來佢集團仲有一間樂天經典，主打東南亞菜，今日就黎試試啦！入面裝修好舒適～餐前小食$15呢個小食就同樂天皇朝果個一樣既！《星泰鳳爪》$68酸酸辣辣好好食，比泰式鳳爪酸小小，幾開胃！《每日靚湯》$55細細盅，但非常足料！$55好抵飲《臘味炒飯》$92雖然唔係糯米飯，但成個炒飯都好入味，而且好多臘味粒，啖啖都有😋《馬來風光》$78東南亞菜可以冇炒通菜！好惹味，調味岩岩好，唔會太鹹《黑胡椒蟹（中）》$368當日因為細蟹已經賣晒，所以就買中啦！呢道菜係餐廳推薦，果然真係幾好食！黑椒味好重，蟹肉都幾鮮甜～唯一問題就係蟹殼超級硬，有啲難剝😛