八沢 (筲箕灣東大街)

營業中

休息中

星期日既中午黎到屋企附近既烏冬專門店食午餐。呢間係用QR code落單架，比較環保，而且有埋圖片睇，不過都有實體既餐牌既。最終我地叫左黑松露忌廉海鮮烏冬，北海道帶子烏冬，鹽燒白鱔，牛乳忌廉餅同燒羊架。黑松露忌廉海鮮烏冬果然係招牌，忌廉湯底好濃郁，黑松露醬絕不吝嗇，撈匀食好好味。烏冬偏彈牙而且滑身，海鮮有三文魚同帶子，都足料架。北海道帶子烏冬用鐵鍋上，有三粒帶子，大大粒，湯底相對比較清，都唔錯。鹽燒白鱔燒到外皮好脆，落鹽燒更能食到白鱔既味道，正。牛乳忌廉餅熱辣辣，真係會辣嘴，係鹹既，唔係甜既，入面係軟綿綿既口感，外皮就炸到脆身，唔錯。燒羊架完全冇羊膻味，肉質唔韌，正常水準。