影片
更多
2010-02-01
12 瀏覽
31-1-2010是日 lunch hour 好 random 地去了筲箕灣東大街, 強拉了怕辣的朋友入嚟想試好耐的呢度食咖喱, 真自私. 大家都叫了 set lunch, 跟餐湯及飲品:餐湯係忌廉磨菇湯, 質地似「糊」多 d!? 飲落幾有菇香, 帶點黑胡椒香, 但實在杰得有點過分, 好 heavy...主食揀了「咖喱羊腩」配「香蔥烤餅」: 香蔥 naan 面頭少少脆, 內就軟熟煙韌, 香蔥睇得見, 但食落唔覺蔥味 咖喱汁紅紅的, 唔算杰身, menu 上標了一隻辣椒, 但唔算好辣, 帶點酸 (來自蕃茄?), 亦 as with 其他印度店的香濃及複雜, 配 naan 一流, 唔知落了幾多款 spices 造成? 羊腩就好好食, 十分軟熟, 又不失咬口 (似足「坑腩」的質感!), 羊味輕輕的, 配上咖喱汁, 結果全數清晒! 薯仔亦好食, 粉粉的又勁索汁, 正 朋友的好似叫 tandoori lamb kebab + 另上咖喱汁, 配「原味烤餅」: tandoori lamb kebab 係啄碎了的羊肉再「砌」成條狀? 羊味幾濃烈, 就咁食又唔覺得太乾, 不過當然配
是日 lunch hour 好 random 地去了筲箕灣東大街, 強拉了怕辣的朋友入嚟想試好耐的呢度食咖喱, 真自私. 大家都叫了 set lunch, 跟餐湯及飲品:
餐湯係忌廉磨菇湯, 質地似「糊」多 d!? 飲落幾有菇香, 帶點黑胡椒香, 但實在杰得有點過分, 好 heavy...
主食揀了「咖喱羊腩」配「香蔥烤餅」: 香蔥 naan 面頭少少脆, 內就軟熟煙韌, 香蔥睇得見, 但食落唔覺蔥味 咖喱汁紅紅的, 唔算杰身, menu 上標了一隻辣椒, 但唔算好辣, 帶點酸 (來自蕃茄?), 亦 as with 其他印度店的香濃及複雜, 配 naan 一流, 唔知落了幾多款 spices 造成? 羊腩就好好食, 十分軟熟, 又不失咬口 (似足「坑腩」的質感!), 羊味輕輕的, 配上咖喱汁, 結果全數清晒! 薯仔亦好食, 粉粉的又勁索汁, 正
朋友的好似叫 tandoori lamb kebab + 另上咖喱汁, 配「原味烤餅」: tandoori lamb kebab 係啄碎了的羊肉再「砌」成條狀? 羊味幾濃烈, 就咁食又唔覺得太乾, 不過當然配咖喱汁較好; 呢味 menu 上無辣椒標記, 但咖喱汁比我嗰份仲辣, 朋友仲辣到頭都痕 原味 naan 就一樣外微脆內軟熟, 幾好食.
飲品叫了凍奶茶: 原來係港式, 仲以為有 masala tea 飲 tim 份量勁大杯, 勁多冰飲落夠晒凍, 但無茶味, 甜味又「蔗」得很, 怪怪的.
朋友的凍檸茶一樣勁大杯, 見佢好努力 "chur" 了四分三杯, 應該幾好飲又幾解辣吧?
環境帶點港式西餐廳 feel, 星期日 lunch hour 勁多人, 阿姐們又呼呼喝喝無乜禮貌, 場面「打仗」一樣, 食完快閃好了.
食物 ok, 每人 $40 有找, 幾抵, 可以一試的. 雖然, 我還是喜歡西環尾嗰間 (http://www.openrice.com/restaurant/commentdetail.htm?commentid=1894906) 多 d, 點解你要執笠?
張貼
