影片
更多
2017-05-01
1936 瀏覽
筲箕灣東大街雲集各式各樣美食，想突圍而出并不容易，一係食物特別，一係價錢相宜，又或者噱頭十足都可以搶到客。今晚2個女仔，諗吾到食乜野好，甘岩皇苑做緊宣傳，知客好熱情介紹，本住一試無妨心態。由於夜晚六點未到，所以連我地得三枱客，岩晒吹水，隔離枱又係2個女仔一路食一路吹。呢間鋪吾算大，酒樓間格，茶記價錢，而且好多熱門推介，浄係揀餸都花左15分鐘。首先上枱係粉絲蒜蓉蒸帶子，28大元一隻，火候岩好，帶子肥美多汁，鮮甜無比，比酒樓有過之而無不及，直情想叫多轉。之後係酥炸坑腩，牛味十足，另附上咖喱汁一大碗。清食時，香脆，牛坑腩肥瘦適中，所以唔會因爲炸而感覺牛肉乾同老，反而更加有肉汁。如果食得辣可以點咖喱汁，又係另一番風味，咖喱汁一路係牛肉好配搭，外辣肉脆，雙重口感，由於咖喱汁比較多，仲可以叫個白飯撈汁食，一舉兩得。女仔點少得食菜呢個指定動作。腐乳牛肉通菜，牛肉薄切，但片數吾少，不過略嫌吾太夠味，可能近排吹緊健康風，要食得清淡。最後來碟特色蝦多西，本人至愛，蝦肉新鮮，所以爽脆，下面麵包脆到一咬落去聽到聲，但感覺吾油膩，不過食完都有些少罪惡感。即刻飲多2杯茶消脂下。值得一提，蝦多士上面放左一片芫茜作為
今晚2個女仔，諗吾到食乜野好，甘岩皇苑做緊宣傳，知客好熱情介紹，本住一試無妨心態。由於夜晚六點未到，所以連我地得三枱客，岩晒吹水，隔離枱又係2個女仔一路食一路吹。
呢間鋪吾算大，酒樓間格，茶記價錢，而且好多熱門推介，浄係揀餸都花左15分鐘。
首先上枱係粉絲蒜蓉蒸帶子，28大元一隻，火候岩好，帶子肥美多汁，鮮甜無比，比酒樓有過之而無不及，直情想叫多轉。
之後係酥炸坑腩，牛味十足，另附上咖喱汁一大碗。清食時，香脆，牛坑腩肥瘦適中，所以唔會因爲炸而感覺牛肉乾同老，反而更加有肉汁。如果食得辣可以點咖喱汁，又係另一番風味，咖喱汁一路係牛肉好配搭，外辣肉脆，雙重口感，由於咖喱汁比較多，仲可以叫個白飯撈汁食，一舉兩得。
女仔點少得食菜呢個指定動作。腐乳牛肉通菜，牛肉薄切，但片數吾少，不過略嫌吾太夠味，可能近排吹緊健康風，要食得清淡。
最後來碟特色蝦多西，本人至愛，蝦肉新鮮，所以爽脆，下面麵包脆到一咬落去聽到聲，但感覺吾油膩，不過食完都有些少罪惡感。即刻飲多2杯茶消脂下。值得一提，蝦多士上面放左一片芫茜作為裝飾一齊炸，食正呢排芫茜風，抽水抽得靚，對於我地芫茜迷來講，如果多幾條芫茜伴碟，視覺上可能更完美，味覺上更滿足。
是晚，捧住個肚走，但價格相宜，經開東大街朋友不妨一試。
張貼
