撈喜 (已結業)

東大街有好多美食，而呢一間就係喺東大街嘅街頭，咁啱又見到門口停到車，就決定食呢間🤔撈喜係一碟新年嘅時候會食嘅菜式，將所有食物切絲，然後將佢地「撈起」，咁就係呢個名嘅來源啦呢間撈喜就無撈喜食嘅，不過就有其他菜式。我地嗌左黑松露四頭南非鮑魚意大利飯、蒜香牛油龍蝦黑椒帶子闊條麵、招牌花膠撈蝦籽麵同木瓜花膠奶凍黑松露四頭南非鮑魚意大利飯鮑魚大大隻，咬落肉質結實，四頭嘅意思啫係一斤有四隻咁解。每一啖飯都食到黑松露，飯粒小煙韌有咬口，味道濃得嚟又唔會膩同鹹👍🏿蒜香牛油龍蝦黑椒帶子闊條麵龍蝦同帶子都係重蒜蓉味嘅🤤 不過咁樣可能會遮咗肉嘅鮮味～ 闊條麵個汁有黑椒，唔係白汁忌廉汁個啲，但好味！招牌花膠撈蝦籽麵呢個係午餐嚟，會送碟油菜，油菜幾新鮮，唔會煮到老哂。花膠俾得好大舊，口感爽口，另外配咗冬菇同啲西蘭花。啲汁幾好，份量夠撈落每一啖麵，但又唔會過鹹木瓜花膠奶凍奶凍個味好正，真係好似飲緊鮮奶，唔會似其他舖頭落魚膠粉多。𥚃面都有兩三舊大花膠，木瓜鮮甜，仲有啲紅棗😋服務員會主動幫我地斟水同問我地有咩需要，而且幾好笑容。食緊途中都不斷有客人，相信都幾好生意～