美心Food2 (德福廣場1期)

營業中

休息中

德福呢間美心food square，長期都咁多人，好似食堂咁。有日早餐時段經過，就快快趣趣食咗個早餐。3.7牛乳炒滑蛋早餐（連熱飲$34）呢個餐有3.7牛乳炒滑蛋，叉燒忌廉濃湯意粉，煎火腿同牛油方包。咁嘅組合好易令人諗起澳洲牛奶公司嘅早餐配搭，可惜嘅係樣樣都係一般，變咗唔抄好過抄。炒蛋麻麻地滑，火腿同方包係來貨冇得好評價，嗰碗湯意粉個湯底好鹹，我食左一半就放棄了。唯一可取係杯熱奶茶都幾香，但總括黎講呢個早餐唔係好值，下次我寧願淨係叫杯熱奶茶就算了。呢度位置咁好，人流咁多，但應該都要監管好食物質素。