幸拉麵 (已結業)

砲台山AIA Tower地下，近海旁方向，早排經過，見有間拉麵店幸拉麵，門面清雅，今日有空，又想食拉麵，就同朋友來試下。拉麵店裝修以木色為主，簡潔雅緻，乾淨，座位唔多，但幾舒適。餐單雖然好精簡，但有中、英文，夠貼心👍🏻，五款拉麵，另外可付💰追加小食同麵條。我地叫咗黑豚同海老豚骨拉麵，加一份木耳。木耳先到，一朵朵，用醋醃製，微酸開胃😋黑豚拉麵係大蒜豚骨湯底，有肩胛肉，配料有半熟蛋、荀干、木耳、紫菜同大葱。湯底濃厚，有陣陣蒜香味，半熟蛋係溏心蛋，流心兼流沙，蛋味夠，肩胛肉薄切，夠嫩滑，荀干爽口，而拉麵麵線較幼身，更容易吸收大蒜豚骨湯既精華😋海老豚骨拉麵，同黑豚拉麵食材相同，唔同既係湯底蝦味濃郁同埋有好多樱花蝦，非常鮮味👍🏻日式拉麵，兩人埋單唔駛💰200，都幾抵食👍🏻