影片
更多
2022-09-29
1302 瀏覽
最近上網搵到間餐廳好靚可以打卡，貪佢呢度夠遠同山卡啦，應該唔會好多人，岩哂我係度影相影到飽！但去到原來都幾多人, 只係室外比較少人，因為好猛太陽，所以我一開始都係裡面食同影下相先影完再搬出戶外影一陣先食，所以我食果時D食物有少少凍左，哈哈哈。食物我地兩個人只係叫左兩個主菜，一個風乾火腿PIZZA同埋一份燒春雞。燒春雞都幾大隻，同左好多醃料製作，好特別，肉都好嫩，唔錯。仲有好多小薯仔+紫薯仔伴碟，夠哂飽肚。PIZZA由於擺耐左少少掛住影相，影響左口感，但味道都唔錯，而且好大份。飲品佢話做緊買一送一，所以HK$58有兩杯，好抵飲！呢杯係椰子定椰青冰，我都唔係好SURE，但佢入面有好多椰青肉，好FRESH好好飲，但略嫌隻杯內龍好細！得隻杯好大。呢杯應該類似FRUIT PUNCH，好多果汁同梳打，熱辣辣果時飲真係好爽！好味呀~~整體環境同我上網睇官方相有出入，佢COVER張相影到好大好廣闊，但實際唔係咁大，不過影相打卡都係OK靚，如果鍾意唔太多人又影相靚，可以黎東涌喜來登酒店呢度打卡，佢LUNCH都唔貴，一份SET LUNCH好似一百頭，包埋野飲，但因為LUNCH無我想要嘅野所以我散叫，但下次
但去到原來都幾多人, 只係室外比較少人，因為好猛太陽，所以我一開始都係裡面食同影下相先
影完再搬出戶外影一陣先食，所以我食果時D食物有少少凍左，哈哈哈。食物我地兩個人只係叫左兩個主菜，一個風乾火腿PIZZA同埋一份燒春雞。
燒春雞都幾大隻，同左好多醃料製作，好特別，肉都好嫩，唔錯。
仲有好多小薯仔+紫薯仔伴碟，夠哂飽肚。
PIZZA由於擺耐左少少掛住影相，影響左口感，但味道都唔錯，而且好大份。
飲品佢話做緊買一送一，所以HK$58有兩杯，好抵飲！
呢杯係椰子定椰青冰，我都唔係好SURE，但佢入面有好多椰青肉，好FRESH好好飲，但略嫌隻杯內龍好細！得隻杯好大。
呢杯應該類似FRUIT PUNCH，好多果汁同梳打，熱辣辣果時飲真係好爽！好味呀~~
整體環境同我上網睇官方相有出入，佢COVER張相影到好大好廣闊，但實際唔係咁大，不過影相打卡都係OK靚，如果鍾意唔太多人又影相靚，可以黎東涌喜來登酒店呢度打卡，佢LUNCH都唔貴，一份SET LUNCH好似一百頭，包埋野飲，但因為LUNCH無我想要嘅野所以我散叫，但下次我都會想試返LUNCH SET。
張貼
