六小館

去完東薈城血拼後，同朋友打算飲茶，上網仲有見到呢一間新派嘅精緻中菜餐廳，裝修睇落都好時尚，啱啱好唔使等位就有得入去店員亦都好殷勤，馬上問我哋飲咩茶，同埋比點心紙我哋我哋叫咗七八個唔同嘅點心，同一個炒飯。其中比較特別嘅係黑松露蝦餃，粉紅色嘅外皮，非常適合打卡餡料亦都非常足料，入邊有滿滿嘅黑松露味道 配搭非常唔錯 另一個小食，凍嘅淮山都幾好食，呢個小食非常開胃，淮山係配上梅，呢個小食嘅口感幾特別，亦都非常清新炸春卷就啱晒我呢啲鍾意食熱氣嘢既人，咬落去非常脆口，亦冇太油嘅感覺