東涌7号 (已結業)

去親大嶼山行山都無嘢醫肚，東涌嗰幾間茶記一向都出名難食。今次行完喺富東發現有間新小店，門面細細，得一排bar枱仔，手寫menu上嘅菜式非常住家feel，有蘿蔔牛腩、水餃、豬扒、雞球，可配粉麵飯，又有汁揀等等。見佢menu排第一，又有手指公推介，就試咗蘿蔔牛腩+湯銀針粉。已經2月底，蘿蔔應該都開始唔當造，出奇地甜又無渣，好明顯俾心機揀過；柱候牛腩又焾亦唔黐牙，片完40km山超肚餓5分鐘掃晒，老闆娘見我食得咁快仲免費添埋飯俾我，勁正。見佢仲有手包鳳城水餃，韮菜水餃等等都好似好正，下次行完山一定會再嚟試。