Cafeholic (已結業)

東涌近年開左好多新食店，為東浦居民帶來不少選擇，除左東薈城個邊既大型商場，響富東商場個邊都開左好多新食店，今日下午同朋友們一齊試下開左無幾耐既CAFEHOLIC，CAFEHOLIC裝潢都唔錯，LUNCH SET HK$60-80不等，包一主菜+餐飲，如要餐湯，加HK$8就可以。一行五人，點左3個LUNCH SET 再加PIZZA同意大利飯，餐湯-每日一款精選，今日係意大利雜菜湯，材料豐富，熱辣辣，好重蕃茄味道，好味。LUNCH SET X 1@香煎黑椒汁牛扒飯-味道OK，份量足，牛扒也入味，沒有根，可以一試。LUNCH SET X 2 @海鮮意粉-材料有蜆肉，魷魚同蝦，雖然材料略少，不過味道可口。LUNCH SET X 3 @蕃茄雞肉長通粉，呢個非常好吃，用鮮蕃茄做汁料，多汁味濃，正。忌廉牛肝菌汁什菌意式飯，材料多而入味，吃前灑上芝士，味道芬香。巴拿馬火腿芝士PIZZA-賣相一流，材料多，不足既係批皮較薄，料太多，不夠脆，沒有食PIZZA既感覺。餐飲-即磨咖啡，很香很濃，味道不錯食物雖然沒有驚喜，但服務很好，價錢也不貴，我覺得應該給它一個讚，希望它越做越好，令小店也可以繼續生存。