影片
更多
2022-11-09
1144 瀏覽
上次去東薈城行街 咁啱見到樓上有間主打日式西餐 門口仲有好多甜品蛋糕選擇 見到咖哩蛋包飯之後就決定一定要試下！！🥘鹿兒島和牛漢堡扒佐咖喱蛋包飯💰148首先我就覺得蛋包飯一定要配咖哩先好味 呢度嘅日式咖哩唔會齋甜 而有小小偏辣 而且滑蛋好大一塊 好似被咁kum住D飯 睇落都已經係滑嘟嘟咁 食落口更順滑！飯係醬油炒飯 雖然唔係茄汁但係都特別有味 正過白飯！漢堡扒方面呢間係比較厚實 即係D肉質唔會太過鬆散 pack得比較緊實 所以咬口會硬小小 入面冇咩調味例如洋蔥之類 更完整 好推薦！🍱三色丼（吞拿魚蓉飯、帶子三文魚籽醋飯、燒汁牛肉飯）💰138呢隻應該啱曬選擇困難症嘅人 有三隻味可以試曬 吞拿魚蓉蓋係飯上面 唔會特別腥 帶子三文魚籽個個上面直程有冇沙律 特別清新 溝埋醋食簡直就係壽司飯咁🤣而燒汁牛肉飯會比較少D 但係燒汁味都幾濃！🥞焦糖香蕉班戟💰98食到最尾更係要加甜品 呢間日式cafe就專門主打梳乎厘班戟同一D日式抹茶甜品 仲有蛋糕 不過其他個D下次再去食啦！香蕉上面有層糖片 其實係焦糖 切開同香蕉一齊入口 有種甜溝苦澀嘅味道 係雙重口感 而中間仲有焦糖味雪糕 配上焦糖醬 可以用梳乎厘來點
上次去東薈城行街 咁啱見到樓上有間主打日式西餐 門口仲有好多甜品蛋糕選擇 見到咖哩蛋包飯之後就決定一定要試下！！
🥘鹿兒島和牛漢堡扒佐咖喱蛋包飯
💰148
首先我就覺得蛋包飯一定要配咖哩先好味 呢度嘅日式咖哩唔會齋甜 而有小小偏辣 而且滑蛋好大一塊 好似被咁kum住D飯 睇落都已經係滑嘟嘟咁 食落口更順滑！飯係醬油炒飯 雖然唔係茄汁但係都特別有味 正過白飯！
漢堡扒方面呢間係比較厚實 即係D肉質唔會太過鬆散 pack得比較緊實 所以咬口會硬小小 入面冇咩調味例如洋蔥之類 更完整 好推薦！
🍱三色丼（吞拿魚蓉飯、帶子三文魚籽醋飯、燒汁牛肉飯）
💰138
呢隻應該啱曬選擇困難症嘅人 有三隻味可以試曬 吞拿魚蓉蓋係飯上面 唔會特別腥 帶子三文魚籽個個上面直程有冇沙律 特別清新 溝埋醋食簡直就係壽司飯咁🤣而燒汁牛肉飯會比較少D 但係燒汁味都幾濃！
🥞焦糖香蕉班戟
💰98
食到最尾更係要加甜品 呢間日式cafe就專門主打梳乎厘班戟同一D日式抹茶甜品 仲有蛋糕 不過其他個D下次再去食啦！
香蕉上面有層糖片 其實係焦糖 切開同香蕉一齊入口 有種甜溝苦澀嘅味道 係雙重口感 而中間仲有焦糖味雪糕 配上焦糖醬 可以用梳乎厘來點呢兩隻味 成個班戟都係焦糖味🥺呢隻班戟唔係空氣感 但係都唔係熱香餅口感 咁啱處於厚實同空氣嘅中間 值得一試！
我地加錢轉套餐仲有酥皮湯 而且呢度份量都偏大份 啱曬同朋友share！
📌 L.D.K. by Ufufu Café (東涌)
東涌達東路20號東薈城2期7樓707號舖
張貼
