Ocio (東港城) (已結業)

同朋友gathering食完high-tea一陣子, 轉場去食甜品, 知道東港城有間叫Ocio西餐廳有唔少甜品款式供應 (之前係荷里活廣場分店食過, 印象唔錯) 於是帶朋友去試試。餐廳六點未見人流, 可以順理安排入座。晚市除供應Dinner set, 甜品佔多, 包括有窩夫、熱香餅法式吐司、心太軟，tiramisu 、刨冰等等…令人花多眼亂。【蜂蜜雪山熱香餅】HK$78兩件熱香餅疊住躺下躺下上檯, 盡顯鬆軟度, 面層放上了一小口蜂蜜, 甜度十足。熱香餅微暖鬆軟, 散發好淡好輕盈嘅蛋香, 配上了蜂糖漿同埋朱古力雪糕球自行沾點。【奧斯蜜瓜雪山熱香餅】HK$108半個蜜瓜已去核, 輕易就刮出蜜瓜果肉, 蜜瓜超清甜多汁, 中心藏有蜜瓜果凍, 面層放上一層熱香餅同埋一球朱古力雪糕球, 雪糕表面還黏上了脆脆星星餅, 賣相既精美又有份量。【綠茶紅豆麻糬窩夫】HK$78窩夫即焗有點溫度上檯, 外層微脆內頗為軟熟, 帶有些少白色軟糯嘅麻糬, 整件窩夫都充滿濃郁綠茶味, 味道清香回甘, 配有朱古力雪糕球同埋綿密紅豆, 平衡一下口中嘅回甘。