影片
更多
2018-05-22
145 瀏覽
喺銅鑼灣返工出街食飯大多數都係食附近嘅茶餐廳，多數都係食碟頭飯或者係燒味，味道都比較濃烈味精又多！不過朋友今日就同我去咗一間餐廳有樣嘢真係與別不同，間餐廳叫做東湖小廚聯威餐廳。餐廳嘅裝修偏向典型香港茶餐廳既格局，位置唔會迫，枱面的確係比典型嘅茶餐廳大。食物方面我哋就叫咗一個炒鵝腸，一個黃金蝦，一個炸魷魚，仲有佢地配上既例湯。例湯上到枱面熱呼呼香噴噴，合掌瓜煲豬骨飲落湯水非常之清甜之後仲會感受到豬骨嘅鮮甜味，呢一種味道就好似平日媽咪煲嘅湯水一樣令你好想飲完一碗再飲，飲完唔會有頸渴嘅感覺就證明呢個湯水係冇落味精，非常之滋潤真係香港冇幾多間餐廳會做得到呢一個質素，問咗侍應姐姐佢哋話餐廳嘅老闆對每一日湯水嘅質素非常之嚴格，希望喺附近做嘢嘅都市人都可以享受到滋潤嘅湯水！大概15分鐘左右黃金蝦，炸魷魚同埋炒鵝腸都上菜，首先要講講佢哋嘅黃金蝦，蛋黃做得到均勻包住成隻蝦肉，食落口唔會感覺到油膩，證明調味同埋牛油嘅比例都非常之準確，食得到有鬆脆同埋鹹蛋黃嘅鹹香味，蝦肉新鮮鮮甜亦都真係唔係間間茶餐廳都可以做得到呢一個質素。炒鵝腸真係我今日重點嘅推介，首先食落口完全感受到用豉油爆炒鵝腸果重香口嘅感覺，鵝腸食
多數都係食碟頭飯或者係燒味，味道都比較濃烈味精又多！
不過朋友今日就同我去咗一間餐廳有樣嘢真係與別不同，
間餐廳叫做東湖小廚聯威餐廳。
餐廳嘅裝修偏向典型香港茶餐廳既格局，位置唔會迫，枱面的確係比典型嘅茶餐廳大。
食物方面我哋就叫咗一個炒鵝腸，一個黃金蝦，一個炸魷魚，仲有佢地配上既例湯。
例湯上到枱面熱呼呼香噴噴，合掌瓜煲豬骨飲落湯水非常之清甜之後仲會感受到豬骨嘅鮮甜味，呢一種味道就好似平日媽咪煲嘅湯水一樣令你好想飲完一碗再飲，飲完唔會有頸渴嘅感覺就證明呢個湯水係冇落味精，非常之滋潤真係香港冇幾多間餐廳會做得到呢一個質素，問咗侍應姐姐佢哋話餐廳嘅老闆對每一日湯水嘅質素非常之嚴格，希望喺附近做嘢嘅都市人都可以享受到滋潤嘅湯水！
大概15分鐘左右黃金蝦，炸魷魚同埋炒鵝腸都上菜，首先要講講佢哋嘅黃金蝦，蛋黃做得到均勻包住成隻蝦肉，食落口唔會感覺到油膩，證明調味同埋牛油嘅比例都非常之準確，食得到有鬆脆同埋鹹蛋黃嘅鹹香味，蝦肉新鮮鮮甜亦都真係唔係間間茶餐廳都可以做得到呢一個質素。
炒鵝腸真係我今日重點嘅推介，首先食落口完全感受到用豉油爆炒鵝腸果重香口嘅感覺，鵝腸食得出係新鮮嘅因為質感爽彈令到味覺上配合醬汁爆炒果種鑊氣好味道到我真係唔知可以用啲咩字眼去形容，感覺就好似你每食一口，啲香味同彈牙既感覺係你口中跳舞一樣！
炒魷魚食落口炸粉非常之薄身，調味相落左少量嘅鹽，反而突出左魷魚本身既甜味，我諗原因係因為佢哋用嘅食材全部都係新鮮食材，調味上唔需要重口已經做到好好既味覺效果同埋魷魚本身彈牙嘅口感配合上已經天衣無縫。
因為食材價格嘅關係同埋銅鑼灣地段，好多餐廳將貨就價新鮮嘅食材真係買少見少，唔新鮮嘅食材就需要大量嘅調味反而令到食客都食到唔健康嘅食物，呢一間餐廳仲要係湯水方面落足心機呢樣野真係與別不同，食物新鮮配合少量嘅調味做到健康又美味嘅食物，希望喺銅鑼灣返工嘅朋友真係要試吓呢一間健康又好食嘅東湖小廚聯威餐廳！
張貼
