Wheatfield X 羅宋湯專門店 (東薈城) (已結業)

打工仔終於捱到星期五，諗住買件衫獎勵下自己。同太太去到東薈城名店倉買衫，行到咁上下又係晚餐時段，見到間羅宋湯專門店，以為係食西餐入去坐下，估唔到啲食物係茶餐廳嘢食。我叫咗個廚師精選熱奶茶+汁燒豬仔髀豬仔包+海派羅宋湯個羅宋湯的確唔錯，料夠多湯亦都香。豬仔包外皮非常香脆，不過我認為內餡嘅豬仔髀有啲乾，唔夠juicy。太太叫咗個紅酒燴牛肋條，升級咗套餐，要咗碗清雞湯同一杯特飲，清雞湯都值得一讚，不過牛肋條就有啲唔夠淋。