六小館

今日閒日去左東薈城閒逛，行街前搵野食滿足左個肚仔先😋目標想飲茶，睇完水牌就行去六小館望下。餐廳內環境開揚，有落地大玻璃；座位距離適中，不會有逼陝感；門口員工友善，所以無乜猶豫就行咗入去。🥢🥢大家都知道飲茶梗係想張枱闊落啲，當時餐廳內唔係咁full，我跟同行朋友兩位被安排坐係一張四人枱，開心😆座位同餐具望落都乾淨感覺唔錯👍🏻，睇左點心紙一陣就落單，總共叫左5款點心🥣🥣，佢地都有炒粉麵飯同小食，不過我地就無叫到。紅米鮮蝦帶子腸粉4.5/5⭐️外層粉紅色腸粉皮同普通腸粉皮味道一樣，不過都幾薄，入邊就脆卜卜，口感唔錯。蒜蓉蝦春卷5/5⭐️外皮炸到好脆，入邊又熱辣辣，唔會太咸，調味啱啱好，呢個推介。鮮蝦菜苗餃 4/5⭐️餡料豐富，都幾多蝦肉，皮亦唔太厚，幾好。六小館灌湯餃 4/5⭐️上枱用咗個淺嘅碗同圖片嘅深盅有分別，覺得用深盅賣相更好。味道黎講湯頭都幾清，灌湯餃亦都大隻，用料充足而且夠熱。古法馬拉糕 2.5/5⭐️想食蒸包，不過成張Menu都冇，於是嗌咗馬拉糕，味道唔太甜，但係唔夠鬆軟，冇乜特別，中規中矩。整體服務 4/5⭐️員工有禮貌同attentive ，唔會嗌極都搵唔到人👍🏻