影片
更多
2020-10-10
932 瀏覽
早排連續四日紅日，冇得去下旅行，一於去下郊外散心。一行人去咗東龍島，景色宜人，而且有種primitive嘅感覺，似去咗侏羅紀公園咁。但島上景點太多，一日其實行唔晒。東龍島嘅遊歷就唔多講啦。主要講下食咗乜。今次去咗兩間士多，其中一間係假日士多。假日士多位於營地附近，感覺好似古代嘅驛站😂因為由士多出發有三條路揀，分別會去唔同嘅地方。見當時冇乜人，我地決定坐低食個早餐同plan行程。老闆娘話連續幾日紅日，水餃已經賣晒😭於是我地叫咗其餘嘅餸，分別係餐蛋麵、餐肉紅腸麵同餐肉魚片麵。餐肉煎得好出色呀，係傳統有肉粒果隻餐肉，脆邊香口，唔係一早煎定放上去嘅。公仔麵彈牙，食耐咗都冇糊到，我地覺得同出前一丁有得揮（後來影士多其中一張相影到‘公仔麵 原味冬菜’，我地估應該係果隻麵底）！朋友比咗塊紅腸我試，同樣煎得香口，又估唔到幾夾個麵。東龍島上食嘅餐蛋麵令我諗起以前響蒲台島食嘅紫菜餐蛋麵，兩者同樣出色。莫非響島上食餐蛋麵特別有feel？😂飲品方面，我地叫咗綠豆冰同凍檸賓。比起紅豆冰，其實我更鍾意綠豆冰，綠豆有起沙，消暑解渴。凍檸賓係朋友叫嘅，所以我冇試到。三文治唔特別，普通冇烘底，所以唔多講。食完之後大家亦
東龍島嘅遊歷就唔多講啦。主要講下食咗乜。今次去咗兩間士多，其中一間係假日士多。
假日士多位於營地附近，感覺好似古代嘅驛站😂因為由士多出發有三條路揀，分別會去唔同嘅地方。見當時冇乜人，我地決定坐低食個早餐同plan行程。
老闆娘話連續幾日紅日，水餃已經賣晒😭於是我地叫咗其餘嘅餸，分別係餐蛋麵、餐肉紅腸麵同餐肉魚片麵。
餐肉煎得好出色呀，係傳統有肉粒果隻餐肉，脆邊香口，唔係一早煎定放上去嘅。公仔麵彈牙，食耐咗都冇糊到，我地覺得同出前一丁有得揮（後來影士多其中一張相影到‘公仔麵 原味冬菜’，我地估應該係果隻麵底）！朋友比咗塊紅腸我試，同樣煎得香口，又估唔到幾夾個麵。
66 瀏覽
0 讚好
0 留言
東龍島上食嘅餐蛋麵令我諗起以前響蒲台島食嘅紫菜餐蛋麵，兩者同樣出色。莫非響島上食餐蛋麵特別有feel？😂
飲品方面，我地叫咗綠豆冰同凍檸賓。比起紅豆冰，其實我更鍾意綠豆冰，綠豆有起沙，消暑解渴。凍檸賓係朋友叫嘅，所以我冇試到。
33 瀏覽
0 讚好
0 留言
三文治唔特別，普通冇烘底，所以唔多講。
34 瀏覽
0 讚好
0 留言
食完之後大家亦plan好行程，整理好架生就正式出發！
P.S.: 原來只係朝早少人，新船到達加上露營人士陸續出返嚟，晏晝出返嚟時士多已經座無虛席。
張貼
