影片
更多
2009-04-15
8 瀏覽
麵包：豬肉包、芝士三文魚包豬肉包：豬肉碎揚入去包裡面，啲豬肉碎乾身冇汁，味道好似冇汁既免治豬肉咁芝士三文魚包：芝士溶哂，不過唔係啖啖有三文魚，所以冇魚嗰啖就好似普通芝士包咁，就算有三文魚都普通，可能食得三文魚麵或者飲得三文魚白湯多 頭盤(俄式大拼盤)：香草三文魚配魚籽、香煎鵝肝伴香芒、俄式煙腸配火箭菜沙律香草三文魚配魚籽：鹹鹹哋咁，呢個頭盤都好難可以整得難食，味道ok，不過普通，好多西餐廳都整到香煎鵝肝伴香芒：目前為止我第三次食鵝肝，呢次係第一次就咁食鵝肝而唔係伴扒食，好正，煎到外皮脆內軟，口感好似BBQ燒綿花糖咁俄式煙腸配火箭菜沙律：味似肉腸口感似臘腸，都幾特別既如果未食過，但係食多幾舊就會覺得期通 湯：俄式洋薏米煙燻什肉湯、鮮帶子及三文魚西洋菜忌廉湯俄式洋薏米煙燻什肉湯：酸酸哋，似係加調味料，因為湯裡面配料唔似會整到碗湯咁酸鮮帶子及三文魚西洋菜忌廉湯：明明女友食出有帶子，佢話係帶子西洋菜湯，侍應路過聽到搭咀話係西洋菜忌廉湯，搞到好似畀人笑咁。女友話似一般白湯味，我諗係佢唔識食啫 主菜：澳洲安格斯牛柳配黑松露菌汁、燒羊鞍伴乾蔥汁澳洲安格斯牛柳配黑松露菌汁：叫咗7乘熟，好明顯食落去既口
豬肉包：豬肉碎揚入去包裡面，啲豬肉碎乾身冇汁，味道好似冇汁既免治豬肉咁
芝士三文魚包：芝士溶哂，不過唔係啖啖有三文魚，所以冇魚嗰啖就好似普通芝士包咁，就算有三文魚都普通，可能食得三文魚麵或者飲得三文魚白湯多
頭盤(俄式大拼盤)：香草三文魚配魚籽、香煎鵝肝伴香芒、俄式煙腸配火箭菜沙律
香草三文魚配魚籽：鹹鹹哋咁，呢個頭盤都好難可以整得難食，味道ok，不過普通，好多西餐廳都整到
香煎鵝肝伴香芒：目前為止我第三次食鵝肝，呢次係第一次就咁食鵝肝而唔係伴扒食，好正，煎到外皮脆內軟，口感好似BBQ燒綿花糖咁
俄式煙腸配火箭菜沙律：味似肉腸口感似臘腸，都幾特別既如果未食過，但係食多幾舊就會覺得期通
湯：俄式洋薏米煙燻什肉湯、鮮帶子及三文魚西洋菜忌廉湯
俄式洋薏米煙燻什肉湯：酸酸哋，似係加調味料，因為湯裡面配料唔似會整到碗湯咁酸
鮮帶子及三文魚西洋菜忌廉湯：明明女友食出有帶子，佢話係帶子西洋菜湯，侍應路過聽到搭咀話係西洋菜忌廉湯，搞到好似畀人笑咁。女友話似一般白湯味，我諗係佢唔識食啫
主菜：澳洲安格斯牛柳配黑松露菌汁、燒羊鞍伴乾蔥汁
澳洲安格斯牛柳配黑松露菌汁：叫咗7乘熟，好明顯食落去既口感好淋，似係加咗粉乸過嚟，所以水準都係同一般餐廳一樣
燒羊鞍伴乾蔥汁：都係叫咗7乘熟，都係一樣口感好淋，似係加咗粉乸過嚟，所以水準都係同一般餐廳一樣
甜品：南瓜芝士餅、三色朱古力慕絲、芒果椰汁布甸
南瓜芝士餅：南瓜味好淡，好似普通芝士餅咁，如果係普通芝士餅都好食既，可惜佢係南瓜芝士餅
三色朱古力慕絲：朱古力咪好濃但係又唔會甜到漏
芒果椰汁布甸：都係普通，唯一評語係細細杯但係隻羹係飯羹咁大
另外有兩個人玩手風琴同敲擊樂，仲會分啲樂器一齊唱一齊玩
同埋有個幾特別係有個負20度攝氏既酒室畀你哋入去飲volka影相，有大毛褸借畀你著既，唔使驚凍，純粹到此一遊咁囉
味道我想畀3.5分，但係佢冇，唯有剔4分啦，4捨5入
抵食同相道理，我都係想畀3.5分既
服務好好，一入去坐低，佢哋介紹啲嘢都好清楚，唯一扣分係因為頭先講個湯既問題，其實係少事一件啫
張貼
