酥妃皇后 (侯王道)

營業中

休息中

酥妃皇后雖然係名人店，但佢哋嘅酥皮都做得幾出色又充滿牛油香。鋪面唔大，但都可以有設企位。我自己就叫咗兩個撻外賣，係蛋撻同鮮奶撻。蛋撻 $10蛋撻係最基本嘅款式，可以比較到佢同其他麵包舖有啲咩唔同，一拎上手已經會感受到佢嘅酥皮嗰種鬆脆，會有少少嘅酥皮碎開。酥皮層次十分豐富，而且會有好香濃嘅牛油香味。而蛋味就係正常，唔會話焗得太老或者冇蛋味，配合酥皮，酥皮絕對成為主角。鮮奶撻 $12呢個都唔錯，鮮奶撻嘅酥皮同蛋撻一樣出色。鮮奶撻嘅味道唔會話過於甜，恰到好處。