酥妃皇后 (侯王道)

營業中

休息中

當聖誕節的歡樂氛圍籠罩著城市，Queen Sophie推出的抹茶朱古力聖誕樹絕對是您派對不可或缺的亮點。這18厘米高的樹狀點心不僅造型精美，還蘊含著各種美味的驚喜。從小山園抹茶朱古力到美國雜果仁（杏仁、開心果、腰果、合桃），每一層都展現了高品質的食材。底部的雙層芝士蛋糕更是為整體口感增添了層次感。無論是送給朋友或是自己享用，這份點心都充滿了滿滿的聖誕祝福和誠意❤️。此外，Queen Sophie 酥妃皇后還提供多款經典手酥皮蛋撻，每款口味都散發著獨特的魅力。從經典蛋撻到伯爵茶黑糖麻糬，再到泰式手搖奶茶和焦糖果仁等口味，每一口都是味蕾的享受。不妨前往九龍城侯王道24號地舖，親自品嚐這些美味佳餚，讓您的聖誕派對更加豐富多彩。

小編去左以368層酥皮撻出名的酥妃皇后買左幾個招牌撻酥皮蒲撻368層酥皮真系非常酥脆，有層次，容易食到周圍碎😂 呢款蛋香味較濃，焗到焦香味甜。日本小山園抹茶麻糬撻用上日本小山園抹茶粉所製，抹茶味清香，麻糬軟糯不痴牙，仲可以拉絲添👍開心果堅果撻不愧是流心開心果撻，拎到返屋企，開心果流心都差啲流哂出去😂但都無阻佢既美味，流心醬不稀，開心果味極濃，是小編食過的開心果撻入面最濃👍 大推❗整體性價比極高，每個撻都有手掌心咁大，就算小編傍晚去到啲撻仲系熱辣辣，感到店家的用心❤小編一定會再幫襯#moodzfoodz九龍城#九龍城美食#九龍城#開心果#撻#香港美食#麻糬#甜品#蛋撻#foodie#hkfoodie#香港网红打卡#香港美食探店#moodzfoodie#moodzfoodz

週末回娘家探望，經過九龍城想起呢度有間出名蛋撻的店子便專程過去。呢度除了有原味蛋撻外，亦有鮮奶蛋撻，睇吓睇下，原來仲有好多其他選擇，例如有窩夫有法式小點、泡芙等等，另外還有一些包裝精美的可作伴手禮，店內亦都有一些凍飲可選擇。今次買了三個原味三個鮮奶蛋撻，用了個大方得體既盒子承載着，屋企人見到都好開心，食落去時十分喜歡，覺得味道適中，蛋香濃郁。見到有其他口味的蛋撻/甜品，要留待下次才可以試啦。

無論網上面寫，門口塊牌都好全部都係八點，但係我而家到咗竟然話俾我聽收7:30已經收咗舖啦！任佢話啦！大家下次再嚟真係要問清楚睇清楚或者真係要問吓佢老細先知！！！！

🥧384層酥皮蛋撻 $13酥妃皇后嘅大名就聽咗好耐 不過一路都未食過 咁啱嚟到九龍城就買個蛋撻填下肚😋 作為土生土長香港人 講真唔係大時大節13蚊買個蛋撻真係有啲嚇親🙈 不過都係想試試佢Size嚟講大概手板咁大 比一般街坊餅店嘅大少少 雖然係買完即場食 不過食落都唔係暖 有少少失望但係‼️酥皮真係好好食😍 超級鬆化又唔會油 不愧係酥妃皇后👍🏻 蛋漿味道正正常常 質地都幾滑溜最後想講一攞上手蛋撻紙係濕嘅 唔知係咪display到有倒汗水評分 (🌕🌕🌗:正常)性價比:🌕🌗🌑🌑🌑味道:🌕🌕🌕🌗🌑服務:🌕🌕🌗🌑🌑賣相:🌕🌕🌕🌗🌑環境:🌕🌕🌕🌑🌑結論: 久唔久都可以食下⛺ 酥妃皇后 (侯王道)📍九龍城侯王道24號地舖🔖#fml_kowlooncity#fml_hongkongese#fml_snacks🧲#九龍城 #宋皇臺 #九龍城美食 #九龍城食乜好#hongkongfood #hongkongfoodie#hongkongfoodblogger #hongkongfoods#hongkongfoodguide #hkfoodie #hkfoodies #hkfood#hkfoodblogger

朋友介紹話佢食過呢間蛋撻好好食，所以我嗰日就去試吓！我買咗蛋撻，葡撻同鮮奶撻，雖然唔係特別平，但真係幾好食😋個酥皮無得輸👍🏻👍🏻依個價錢都物有所值⋯⋯可以一試👍🏻

平時一直都食葡撻同蛋撻，今次就試下芝士撻佢有唔同既口味，當中我覺得原味軟心芝士撻同朱古力軟心芝士撻最為好食。佢既芝士唔會令人覺得油膩或者覺得滯，食到好重芝士味，咬落去之後芝士好似流心咁，會慢慢流出嚟，撻皮酥脆之餘，仲有層次分明，唔會落左好多牛油，但一定要係坐定定食，唔係會跌到一地都係，好邪惡啊😈 但食完再算

主要賣蛋撻嘅一間餅店一開始係因為佢賣榴槤芝士撻先知道呢間舖頭後尾發覺好多款唔同口味蛋撻賣相超靚！！買左個鮮奶撻試下就算隔左半個鐘先食見到入面仲有少少流心暖暖地撻皮真係超級酥脆真係難怪佢叫酥妃皇后葡撻仲係每日限量添下次黎一定再試！

酥皮皇后嘅蛋撻係做得幾出色嘅蛋撻嚟講，其實好多人都會選擇食曲奇皮的確係少咗好多人食酥皮但係以我本身鍾意食曲奇皮嘅人嚟講我都幾喜歡食佢呢個酥皮原因係佢酥皮做得好薄食落去覺得好鬆脆而且佢蛋撻做得大件變相蛋漿用得比較多就會令到個酥皮嘅範圍都細咗我自己就覺得幾好食嘅蛋撻💰$12/件價錢我覺得可以接受當然唔可以講話平好多蛋撻，出邊都仲賣緊$7 但係酥皮皇后做得比較大件啲咁我覺得$12一件係可以接受唯一要大家留意嘅位置係酥皮皇后冇以前咁多人買變相好多時去買嘅時候個蛋撻已經凍晒然後個蛋漿嘅位置已經凹咗落去都好難捕捉到新鮮出爐個時間

今次試咗酥皮皇后嘅原味酥皮蛋撻，酥皮好鬆化，無油膉味👍🏻蛋層幾厚，蛋漿部分我覺得略為淡咗少少，如果可以加強返蛋味會更好☺️不過總括嚟講口感都好好！現食蛋撻暖上，有自助菊花茶供應，唔錯～

酥紀皇后是一家專注於酥皮蛋撻的高級西餅店，位於九龍城的一條安靜街道上。即使在店門口，你也能聞到誘人的酥皮香氣，讓人垂涎欲滴。這家店的賣點就在於酥皮，這裡的蛋撻皮酥脆，多層次的口感讓人回味無窮。每一口咬下去，都能感受到酥皮在嘴裡破碎的聲音，配上蛋液滑順的口感，讓人愛不釋手。除了傳統的蛋撻，這裡還有多款水果撻，每種撻都有不同的水果口味和酥皮層次，讓人想一次嚐遍所有口味。酥紀皇后只設外賣，店內裝潢簡約，但卻不失雅緻，每一個包裝盒都是精美的禮盒，送禮自用都非常適合。店員的服務也非常親切，讓人感受到溫暖的待遇。然而，酥紀皇后的價格卻相對較高，一盒12隻的蛋撻要價不菲，但是店家也給出了合理的解釋：將民間美食升級為高級西餅，必須使用高品質的食材和精湛的技術，因此價格也相對提高。但對於追求品質和口感的人來說，這種價格也是值得的。總的來說，酥紀皇后的酥皮蛋撻是一種非常特別的西餅，它將傳統蛋撻變成高級西餅，讓人能夠享受到更高品質的美食。如果你是一個喜愛美食的人，那麼不妨來酥紀皇后一試，感受這種升級版的蛋撻帶來的美妙體驗。

.酥妃皇后 （九龍城）@legendofsophie24 .呢間大幫手以前就聽我講好出名 係九龍城名物 評價好似幾兩極 所以除咗計kcal 順便睇下究竟佢味道如何.三款最classic嘅就係 原味 / 葡撻/ 鮮奶撻 認真嘅 幾fit我口味因為佢唔算太甜 which is 可能有人會覺得偏淡 但我ok wor..三款都係點到即止嘅蛋奶香 酥皮嘅texture鬆化 口感好好 又唔膩.. 對於健人黎講其實食得相當舒服..我係真係推薦㗎wor🥹🫶🏻唔好睇佢咁.. 佢實際一個有差唔多100g（坊間多一倍）.原味 & 葡式差唔多 所以我無額外標示.其他新奇口味我都係發現 佢真係唔算太甜.. 🤣 圖三嘅百香果朱古力脆脆賣相吸睛但味道「蛋撻主體真係佔據好少」鍾意酸meimei嘅你可能會鍾意榴槤口味幾過癮 但都係點到即止嘅甜&衝擊食完負擔不大但滿足感卻不少.特色撻平均卡路里base on 圖三 增減50kcal左右平均一個50-60g.總括而言 唔係太食得好甜 但想食 口感 & 製作依然出色嘅蛋撻嘅你 可以試試呢間！.#香港美食 #港式餐廳 #卡路里 #飲食記錄 #飲食控制 #營養 #健身 #健康飲食

📍酥妃皇后九龍城侯王道24號地舖好random咁經過呢間舖其實係行過見到一堆人手上攞住一盒盒透明盒出黎入面係大大個蛋撻作為蛋撻/葡撻lover嘅我 實在覺得好吸引所以就入去買個先本身諗緊買葡撻定蛋撻但見佢show出黎啲葡撻表面冇好多焦糖位所以都係冇買😋 酥皮蛋撻 $12佢都幾大個 手掌咁大但勁普通 酥皮麻麻地 又唔熱 唔係新鮮出爐 勁淋不過重蛋味嘅總結 未必會再幫襯😂 可能會試其他野我見佢有好多其他pastry 但蛋撻就不了

經過見到買左個葡撻🥧酥皮係做得唔錯👍🏻有層次同燶邊嘅香味😋蛋夠多夠滑，不過偏稀同唔夠蛋香🙅🏻‍♀️同埋面頭無葡撻嘅甜味😅$17一個 再食嘅機會比較低🤣*･゜ﾟ･*:.｡.☻.｡.:*･☆･*:.｡. ☻.｡.:*･゜ﾟ･*😋#kellydiscovery_food 🫶🏻#kd_food_klncity🫶🏻#kd_food_九龍城#九龍城美食 #九龍城打卡 #九龍城餐廳#香港美食 #hongkongfood #蛋撻 #酥皮蛋撻 #蛋撻關注組

去開九龍城食飯 順便黎買想試好耐嘅酥妃皇后 6:15左右去到已經得返好少款 冇左想試嘅鮮奶撻 朱古力軟心芝士撻等等最後買左呢4款葡撻 呢個係4款入面最好食 仲keep到個溫度 暖暖地 酥皮香口鬆化 內餡細滑有蛋香朱古力脆米酥撻 啲脆米林晒 叫脆米撻但啲脆米唔脆 我寧願你唔好擺脆米🥲 林左嘅脆米下面係生朱古力口感咁嘅朱古力漿 質感唔錯但係甜左啲 而再下面就係朱古力蛋糕 口感上多左變化但冇令個撻加分 最底就係酥皮 個酥皮好實 同葡撻個個完全唔同泡芙(九龍城店限定) 通常見到啲乜乜限定我就會忍唔住買 今次都唔例外 同埋見佢淨返最後一個 一於買埋黎試下 入面非常少餡 個餡亦都唔好食🫠 除左嘥錢 仲嘥左quota去食佢軟心芝士撻 芝士餡食落唔膩 但撻皮唔夠酥 店名叫酥妃皇后 自然會令人對佢個酥皮好大期望 今次真係期望越高失望越大