居酒屋·姫 (已結業)

天文臺道有間神秘居酒屋，要行幾步樓梯先至去到😌✨入到去居酒屋燈光暗暗地係個傾偈好地方，長身貼滿左日式佈置，咁都好舒服！終於搵到手掌心咁大抽嘅鱈魚白子😍第一次見咁大舊，咬落去好香入口柔滑順口，味道香甜鮮度滿分。未試過食咁大件，咁大件口感更軟滑更香，加咗少少醋更容易入口。鮟鱇魚肝刺身又係脂肪豐富，口感滑嫩細滑入口即化😋同時間我哋嗌咗梅酒，細細啖鮟鱇魚肝配梅酒，真係好正。秋刀魚係季節魚，味道清唔需要太多調味已經好好食，師傅將佢拆骨起肉得好靚😋食嘅時候好方便無骨。松葉蟹肉釜飯非常之出色，一打開見到好多好多蟹肉😋份量都唔少可以分到三碗仔，飯好香吸收晒海鮮精華。試少少串燒非常推介月見免治雞肉棒，軟骨同雞肉比例適中😄軟骨增加咬口好好食，最正就係月見汁，蛋漿食好香口。