松藝館 (已結業)

為咗同朋友慶祝生日，專登book咗尖沙咀海港城海運大廈，可以望到香港夜景、備受讚譽的全球知名松露餐廳品牌Artisan de la Truffe「松藝館」。平時都好少食法國菜，嚟到晚餐既興奮又緊張，餐廳門口有很多松露產品展示，門口近有大大個招牌，容易搵到。餐廳除咗室內位置之外，仲有長長的室外露天位置，出到去望到今晚景色很美。我哋兩人唔算太肚餓，所以叫咗4 Courses Menu。前菜的淮山及大黃沙律，配以火箭菜及紅菜頭黑松露蜂蜜，賣相很別緻，爽口嘅淮山加上軟林林質地的紅菜頭，有幾種口感。我一向喜歡飲湯，就咁選了龍蝦濃湯，飲一啖果然非常香濃，入面仲有細細隻蝦肉，新鮮爽口。牛魔王的我當然揀選左澳洲M6和牛西冷牛排配以松露牛油醬汁，牛排煎得很香，叫了七成熟，中間呈現嫩紅色的肉質，很軟口很鮮嫩呢！最後還有濃郁的紅莓甜品，為呢一餐豐盛的法國菜畫上句號。