Dazzling Cafe (皇室堡) (已結業)

坐裡面啲位開揚光猛，又有維園景，不過有時帶位嘅同事會話無晒位，跟住我又見到之後有客人堅持又俾枱，所以大家可以問下堅持下。 午餐好抵，最抵係的黃金烏魚子蒜義大利麵餐 ($120)，個麵平時單點都成$118，午餐包埋壺原價$52的熱帶水果茶，超抵又好味。 即使單叫，熱帶水果茶(凍)都係好抵好推介，比其他杯裝飲品多幾蚊，就有成壺同可多生果，好推介，茶味甜甜地好好味，加埋水果覺得清甜可口。秋煥葡萄果香茶, 本來我地叫嘅係蔓越莓蘋果茶，但係嗰位妹妹侍應落錯單，就由佢，不推介，似藥水味。經典蜜糖吐司, 基本上成大舊包，影相同睇就幾靚，食就相信無乜人尤其女仔中意食咁大舊包，連裡面都全是包，而且好乾下，都幾惡哽。松露薯條炸得好脆口，跟茄汁同類似他他汁的白色醬，唔太似松露醬，同薯條好襯，建議點這個白汁，好味，不建議點茄汁。