牛匠石燒 (已結業)

勁好食既石燒牛肉店！點咗澳洲M9和牛肩胛小排，牛肩胛每塊雪花紋都好靚，分佈平均，燒一至兩分鐘入口剛剛好，幾乎唔洗沾醬汁都已經非常濃郁牛味，配味素飯係完美拍檔，高質牛果然係非常惹味，味素飯有紫菜同芝麻碎好香口，仲有鹽葱薄切牛舌，我平時都好少食牛舌，呢個鹹鹹地口感較爽，撈飯真心一流，湯烏冬採用薄身讚歧烏冬，湯底真係似日本飲既甜清湯，加埋香葱味道清新，食燒肉建議可以夾同生菜蒜片，生菜好新鮮爽爽聲，飲品則大推牛匠彩虹水果茶，見到好多人介紹仲可以打卡添，非常足料有好多種水果，菠蘿、藍莓、香橙、士多啤梨都有，朋友點咗芝士奶蓋四季春，鍾意飲中國茶味就可以試吓呢個，餐廳選用係鹹奶蓋，調劑下清茶味，至於日式海鮮煎餅，即叫即煎，有啲似日本大阪燒，yummy！💞