板長壽司 (東角Laforet) (已結業)

味道維持到一貫水準❤️個腐皮烏冬第一次試，腐皮原來係甜甜地，湯好清甜唔會咸。茶碗蒸係用來送烏冬，配埋入面蟹柳一流🍜淡口味推介。個海膽魚生飯貴得來但都叫抵💪🏻幾新鮮最緊要係唔會太苦或者有種變壞的酸苦味，整體好味，粒粒魚生切得平均而且足料，都係靚位置肉來，唔錯。油甘魚三文魚腩全部好肥入口都即溶，魚肉新鮮而且無乜筋。牛油果蟹柳軍艦🥑每次來板長都必食，creamy得來口感清新，蟹柳本身有咸味，就咁食已經好好食。