潮薈館

營業中

休息中

之前去過長沙灣個間食過都唔錯，知道佢九龍城開左分店，附近有馬鐵站，去依度食飯又更方便。 滷水三寶：滷水味香濃 , 鵝片嫩滑、墨魚鮮味、鵝干豐味多汁入口軟化。胡椒咸菜豬肚湯：湯底濃，加上咸菜同胡椒味好出，酸酸辣辣好醒胃，豬肚都好夠淋。豉椒蒸大鱔： 豉椒汁稠濃，鱔肉好肥味，份量都好多，幾抵食。酥炸蝦蟹棗：蝦肉好鮮甜彈牙，亦炸都好酥脆。蟹棗應該係蟹肉加豆付搓成, 有蟹肉味之餘仲有豆香味， 有個甜酸汁配合，味道幾好。裝修同擺設都好有特色，服務有禮周到。