影片
更多
2024-08-05
247 瀏覽
多數都兩個人以上至會食蒸氣火鍋，但你哋有無諗過一個人都可以食到蒸氣火鍋？ 呢間餐廳就打破咗呢個框框，佢哋提供一人一蒸氣鍋，夠哂癲🤪八府巡按套餐 $488呢個套餐真係好誇張，記住係一人份喎😂 套餐包括沙律，芝麻雞翼，雞軟骨餃子（各一），白蜆，蝦，北寄貝，鮑魚，元貝，扁蟶子，鮮魚片，龍蝦（半隻），聖子皇（1隻），安格斯牛肉，豚肉片，三寶丸＋時蔬拼盤，南瓜芋頭粥當中肉類同主食仲有其他嘢揀嘅，佢哋仲可以+$1換購鮑魚，枱面上面黐住一張時間表，清楚列明每種類嘅海鮮食物需要蒸幾耐，跟住個時間表嚟蒸就冇死👍🏻 海鮮基本上都好新鮮，貝類蒸出嚟全部都脹卜卜好鮮甜，主打嘅龍蝦肉同蟶子王都非常爽彈鮮甜，肉類方面，雖然唔係主打，但質素都唔錯，最尾嘅南瓜粥係精華，啖啖都好鮮甜🤤九品芝麻套餐 $258呢個餐都有加一蚊換購鮑魚，無咗八府巡按套餐嘅龍蝦、聖子皇、北寄貝同元貝，但就有大蜆，都好鮮甜，小食係章魚燒，主食叫咗原味魚湯米線，南瓜粥會再入味啲😛總括嚟講，一個人食嘅蒸氣火鍋真係唔多，呢度啲海鮮仲要超級新鮮，價錢收費都算合理，絕對可以一戰👏🏻
八府巡按套餐 $488
呢個套餐真係好誇張，記住係一人份喎😂 套餐包括沙律，芝麻雞翼，雞軟骨餃子（各一），白蜆，蝦，北寄貝，鮑魚，元貝，扁蟶子，鮮魚片，龍蝦（半隻），聖子皇（1隻），安格斯牛肉，豚肉片，三寶丸＋時蔬拼盤，南瓜芋頭粥
當中肉類同主食仲有其他嘢揀嘅，佢哋仲可以+$1換購鮑魚，枱面上面黐住一張時間表，清楚列明每種類嘅海鮮食物需要蒸幾耐，跟住個時間表嚟蒸就冇死👍🏻 海鮮基本上都好新鮮，貝類蒸出嚟全部都脹卜卜好鮮甜，主打嘅龍蝦肉同蟶子王都非常爽彈鮮甜，肉類方面，雖然唔係主打，但質素都唔錯，最尾嘅南瓜粥係精華，啖啖都好鮮甜🤤
九品芝麻套餐 $258
呢個餐都有加一蚊換購鮑魚，無咗八府巡按套餐嘅龍蝦、聖子皇、北寄貝同元貝，但就有大蜆，都好鮮甜，小食係章魚燒，主食叫咗原味魚湯米線，南瓜粥會再入味啲😛
總括嚟講，一個人食嘅蒸氣火鍋真係唔多，呢度啲海鮮仲要超級新鮮，價錢收費都算合理，絕對可以一戰👏🏻
張貼
