六公館

營業中

休息中

難得的假期約了朋友到海港城六公館飲啖茶食個包，朋友一早就訂好咗枱嚟呢度食午餐所以唔使排隊。.估唔到呢度既環境好優雅別致，出面既風景真係好靚，相信夜晚會更加吸引！.因為早餐食得太飽嘅關係所以只係簡單點咗幾樣食物！手撕雞芝麻卷感覺就好似雞絲粉皮腸粉版，雞肉好滑青瓜絲好新鮮，估唔到原來用腸粉皮卷又有另一番風味喎！和牛黑椒酥香濃嘅牛肉味配上惹味嘅黑椒汁，再配埋呢個千層酥皮，真係好好食呀！金網鵝肝蝦卷一咬落口已經食到鵝肝嘅甘香，加上爽口嘅蝦肉同埋脆卜卜嘅外層，多重嘅口感！好正！整體來講，呢度嘅食物都係精緻得來又有特色，而且味道好、賣相又靚，今晚同朋友約會或者請客食飯呢度都係一個好合適嘅選擇！非常推薦！