影片
更多
2020-05-27
2501 瀏覽
朋友兩個月前食過推介比我，佢話任食火鍋黎講好正，但當晚得兩三枱客，武漢廢炎真係害人不淺，希望火鍋店可以捱得過。今晚終於黎食，竟然全場爆滿，好彩有訂位。任食火鍋原價$288，另加醬油費同加一，唔平架，好在星期一至四有7折，星期五至日都有8折，折後價都算合理d。湯底選擇都幾多，加$20叫左鴛鴦鍋。四川麻辣湯好多香料，唔會得個辣字，想有少少刺激但又唔太食得辣ge人建議拎走辣椒，因為會愈滾愈辣。蟲草花雞湯幾清甜，雞件都幾多，蟲草花好彈牙。全部湯都係真材實料落足同心機煲出黎，同現成湯包開出黎ge差好遠，飲完唔頸渴。部分員工係聽障人士，要用平板電腦落單，有得揀半份、全份或件數，幾方便，上菜快，冇漏單。除左任食款式之外，每枱會送一份海鮮拼盤同頂級牛頸肩肉，全部海鮮都好新鮮，蜆無沙，蝦、帶子同魚腩都好甜，頸肩肉牛味頗濃。肥牛唔會肥到白色多過紅色，牛味不錯，我覺得好食過牛頸肩肉。黑毛豬都幾正，無豬膻味，切得夠薄，入口即溶咁滯。叫左幾款即炸食物，上枱熱到滋滋聲，鹹蛋炸魚皮鋪滿鹹蛋黃勁惹味，響鈴加左紫菜唔會太單調，白烚午餐肉咪搞我，但炸過就唔同講法，浸一浸麻辣湯好好食。除左湯底係廚房即日煲之外，仲有幾款唔係
朋友兩個月前食過推介比我，佢話任食火鍋黎講好正，但當晚得兩三枱客，武漢廢炎真係害人不淺，希望火鍋店可以捱得過。今晚終於黎食，竟然全場爆滿，好彩有訂位。
任食火鍋原價$288，另加醬油費同加一，唔平架，好在星期一至四有7折，星期五至日都有8折，折後價都算合理d。
湯底選擇都幾多，加$20叫左鴛鴦鍋。四川麻辣湯好多香料，唔會得個辣字，想有少少刺激但又唔太食得辣ge人建議拎走辣椒，因為會愈滾愈辣。蟲草花雞湯幾清甜，雞件都幾多，蟲草花好彈牙。全部湯都係真材實料落足同心機煲出黎，同現成湯包開出黎ge差好遠，飲完唔頸渴。
部分員工係聽障人士，要用平板電腦落單，有得揀半份、全份或件數，幾方便，上菜快，冇漏單。除左任食款式之外，每枱會送一份海鮮拼盤同頂級牛頸肩肉，全部海鮮都好新鮮，蜆無沙，蝦、帶子同魚腩都好甜，頸肩肉牛味頗濃。
肥牛唔會肥到白色多過紅色，牛味不錯，我覺得好食過牛頸肩肉。黑毛豬都幾正，無豬膻味，切得夠薄，入口即溶咁滯。
叫左幾款即炸食物，上枱熱到滋滋聲，鹹蛋炸魚皮鋪滿鹹蛋黃勁惹味，響鈴加左紫菜唔會太單調，白烚午餐肉咪搞我，但炸過就唔同講法，浸一浸麻辣湯好好食。
除左湯底係廚房即日煲之外，仲有幾款唔係現成貨嘅手工食品，蝦子蝦滑、蟹子墨魚滑鮮甜彈牙。黑松露蝦蟹餃帶淡淡黑松露香氣唔會太搶，不過芝士紫菜蝦蟹餃味道就冇乜特別，兩款餃嘅皮都煙韌唔易爛，好食。
汽水紙包飲品任拎，仲有竹蔗茅根水任斟，竹蔗水好清潤唔太甜，生津解渴，打邊爐岩晒。
📍點鍋
旺角西洋菜街1號兆萬中心3樓301舖
張貼
