Coffee or Tea (已結業)

星期六上午以為可以懶懶閒食個早餐，點知大約10:30落單點餐，等到11:00先有得食，就快變午餐。隔籬枱不斷催單，侍應就不斷答廚房整緊，成間餐廳唔知做乜......環境方面，張圓枱本身已經好窄，再加隔板阻住一部分枱面，其實一啲都唔好坐。味道呢，坦白講係幾好味，花膠雞絲通粉好濃好入味，個餐肉蛋多士亦幾有特色。大家如果唔係空肚食早餐，而又有無限時間等候，都可以一試嘅！不過如果肚餓或者之後約咗人，就去過第二間喇！