SAKImoto bakery 嵜本 高級Shokupan專門店 (海港城) (已結業)

經過海港城，醒起之前有媒體介紹呢間日本過江龍麵包店，咁啱見到無咩人，就去左購買外賣裝既麵包。店內有兩款麵包選擇，因為我唔食得蛋奶，所以簡左極美。雖然無蛋奶，但麵包十分軟熟濕潤，一啲都唔輸俾含蛋奶既麵包，帶有麥味同微甜，令人停唔到口。就算無烘熱，都已經好好味！雖然一袋包要$45，但我覺得十分之值得！會再encore除左麵包，店內亦有各式各樣既果醬供客人選購，價格約$70一罐左右，下次會試下堂食，一嘗吐司加果醬既滋味。